Thursday, December 27, 2012

അനുഗ്രഹം !

ക്ണീം ..ക്ണീം ...............ക്ണീം ..ക്ണീം ....

"തനെന്തുട്ടടോ അവടെ ചെയ്യണത്..ആ ഫോണ അടിക്കനത് കേക്കനില്ലേ..ഒന്നെടുക്കടോ..."


"സോറി , സര്‍ , ഇവിടെ ഫയല് തപ്പുഅവാര്‍ന്നു ...ഇപ്പൊ എടുത്തേക്കാം ...ഹെലോ ദിസ്‌ ഈസ്‌ ദേവലോകം ......."

"ചേട്ടാ , ഇത് അമേരിക്കെന്നന്നു .. ഒരു അനുഗ്രഹം വേണമായിരുന്നു ..."

" സാറ് ഇപ്പൊ അല്പം ബിസിയാ , പറഞ്ഞു നോക്കാം , എന്താ ആവശ്യം...?"

"ചേട്ടാ, ഇവിടെ ഞങളുടെ ഒരു കമ്പനി പൂട്ടാന്‍ പോകാന് ..എന്റെ ജോലി പോകരുത്.. ഒന്നനുഗ്രഹിക്കാന്‍ പറയണം ..."

"ആ ശരി, പറഞ്ഞു നോക്കാം, ഒരപ്പോന്നും പറയാന്‍ പറ്റില്ല "
"ശരി ചേട്ടാ , എന്നാ വെക്കട്ടെ...",
"ആ ശരി , വച്ചോ.."

ഠിം! ഫോണ്‍ ക്രാഡിലില്‍ വീണു .


"അല്ല അതരാടോ..?"

"അമേരിക്കെന്നാ ...സായിപ്പാ !"
" ഉഉം , എന്താ കാര്യം,,,?"
"ഒരു ജോലിക്കര്യാ... അങ്ങേരുടെ ജോലി പോവാന്‍ പൂവാണ് . പോവാതിരിക്കാന്‍ അനുഗ്രഹിക്കണം ന്ന് "
" അതിനെന്താ.. ആവാല്ലോ... "
"അത് വേണോ..?
"അതെന്താടോ തനിക്കൊരു സംശയം ..നമ്മുടെ അനുഗ്രഹം ഫലം ചെയ്യില്ലന്നുണ്ടോ ..?"
"അതല്ല സാര്‍ "
"പിന്നെന്താടോ..?'
"അല്ല സാര്‍ ഇന്ന് കാലത്ത് നമ്മള്‍ മറ്റേ ചങ്ങാതിക്ക് അനുഗ്രഹം കൊടുത്തെ ഉള്ളൂ .."

"ആര്‍ക്കാടോ..? എനിക്ക് അത്രയ്ക്ക് ഓര്മ കിട്ടുണില്ല"


"ആ ഇന്ത്യക്കാരന്‍ ചെക്കനെന്നേ .. അവനു ഒരു ജോലി അഭിമുഖത്തിനു പോനുന്ടെന്നും.. അത് ശരിക്കാക്കി കൊടുക്കനോമ്ന്നും പറഞ്ഞു ഒരു അപ്പ്ലികശന്‍ തന്നാരുന്നു .."


"ഓ ഓ പിടികിട്ടി, അത് നമ്മള്‍ പ്രോസസ് ചെയ്താല്ലോ .. അനുഗ്രഹം കൊടുക്കാന്‍ നമ്മള്‍ എഗ്രീ ചെയ്തതാണല്ലോ .. പക്ഷേ അതും ഇതും തമ്മില്‍ ....?"


"ശരിയാകില്ല സാര്‍ , ഒരാള്‍ക്ക്‌ കൊടുത്താല്‍ മറ്റേ ആള്‍ക്ക് അനുഗ്രഹം കൊടുക്കാന്‍ പറ്റില്ല "


"അതെന്താടോ അങ്ങനെ ..? നമ്മള്‍ എത്ര പേര്‍ക്ക് ജോലിക്കായി അനുഗ്രഹം കൊടുക്കുന്നു ..ഇതിലെന്താ ഒരു പുതുമ ..?"

"അല്ല സാര്‍ , ആ അമേര്ക്കാകരന്റെ കമ്പനി പൂട്ടിയിട്ടാണ് സാര്‍ ഇന്തയില്‍ അവര് വേറെ കമ്പനി തോടങ്ങുനത് .. ഒരു പുത് യ ഏര്‍പ്പാടാ സാര്‍ ..പണ്ടെങ്ങും കേട്ടിട്ടിലാത്ത ഒരു എടപാടാ.."


"ഓഹോ അങ്ങനേം ഇണ്ടോ ഒരു സംഭവം..? അവടെ ജോലി പോയാല്‍ ഇവിടെ കിട്ടും , അവടെ പോയില്ലെങ്ങില്‍ ഇവിടെ തരാവില്ല , ഇത് വല്ലാത്തൊരു കഷ്ടം തന്നെ ആണേ.., ഇനി ഇപ്പൊ നമ്മള്‍ എന്താ ചെയ്യാ.. നമ്മുടെ വാക്കിന് വെല ഇല്ലന്ടവോലോ ..കഷ്ടം തന്നെ ..'


"തത്കാലം , നമുക്ക് ഈ അമേരിക്കകാരന്റെ അപേക്ഷ എന്തെങ്ങിലും കാരണം പറഞ്ഞു ഒഴിവാക്കാം , സാര്‍ വേറെ മാര്‍ഗ്ഗല്ല മുഖം രക്ഷിക്കാന്‍ .."


"എന്നാ പിന്നെ അങ്ങനെ തന്നെ ചെയ്യാ ,, നമ്മളെ കൊഴപ്പതിലക്കാന്‍ ഓരോരോ പുതിയ പരിപാടികലേ.. എന്താടോ ഈ ജോലിക്ക് പറയണ പേര് ..?"


"അത് എന്താണ്ട് , വിവര സാങ്കേതിക വിദ്യ എന്നോ ഒക്കെ ആണ് വിളിപ്പേര് ..കഴുത്തില് എന്തെക്കെയോ കെട്ടി നടക്കുന്ന സംഭവാണ്‌ , നമ്മക്ക് ശരിക്കും പിടി കിട്ടീട്ടില്ല "


"കഴുത്തില്‍ എന്തെകിലും ഉണ്ടെങ്കില്‍ കയറായിരിക്കും, നമ്മള്‍ കാളകളെ അങ്ങനെയാണല്ലോ പണി എടുപ്പിക്കരുള്ളത് ...ഇന്യിപ്പോ വന്നു വന്നു ഇപ്പൊ നമ്മുടെ ജോലിയും ഇവന്മാര് അടിച്ചു മറ്റോ ആവോ.. ! നാളെ മുതല്‍ കാവലിനു ഒരു നാലാളെ കൂടുതല്‍ വച്ചോളൂ ..കേട്ടോ.."! ***

Saturday, October 6, 2012

എന്റെ ഈശ്വരാ ..!


"നന്നായി വരും.. ശരിക്കും പ്രാര്തിച്ചോ.. നീ ഒറ്റ പ്രതീക്ഷയാ ..ദൈവം അനുഗ്രഹിക്കും.."
"ഉവ്വംമ്മേ .. അമ്പലത്തില്‍ പോയി തോഴുതിട്ടേ ബസ്സിലെക്കുള്ളൂ..."


വീട്ടിന്നെരങ്ങുമ്പോ മനസ്സിലോര്‍ത്തു ,  "ഈശ്വരാ..പഠിച്ചതൊക്കെ ഓര്മ ഇന്ടാവണെ ... " "എട്ടാമത്തെ തവണയാ ബംഗാളൂര്.. ഒരു ജോലി എങ്ങനെയെങ്ങിലും...".. പാവം അമ്മ എത്രയായി പ്രതീക്ഷിക്കുണ്..,  

"ഈശ്വരാ ..........! "

ബസ്സ് പുറപ്പെടാന്‍ അല്പം താമസം .. ആകെ ടെന്‍ഷന്‍ .. കാലത്ത് ബങ്ങലൂര് എത്തിയില്ലെങ്ങില്‍ പരീക്ഷ സമയം കഴിയും .. ഈ നശിച്ച ബസ്സ് എപ്പഴും ഇങ്ങനന്യാ , ഒരു ആവശ്യം ഒള്ള സമയത്ത് സമയത്തിന് ഓടില്ല ...ഭാഗ്യം , ഡ്രൈവര്‍ കയറുന്നുണ്ട്.. ദൈവം കാത്തു ..! "ഈശ്വരാ..."

സീറ്റ് നമ്പര്‍ 11 , കൊള്ളാം ! അടുത്തെ സീറ്റില്‍ ആരുല്യ .. അടുത്തെ പിക്ക് അപ്പ്‌ വരെ സുഖമായി ഇരിക്കാം.. ആ ബുക്ക്‌ എടുത്തു ഒന്ന് നോക്കട്ടെ ..ഇപ്രാവശ്യം ജോലി വാങ്ങിച്ചിട്ടുള്ള കാര്യംള്ളൂ ..അമ്മയോട് വാക്ക് കൊടുതതതാണ് ... മനസ്സിരുത്തി തന്നെ വായിച്ചേക്കാം ..!
.....................................................................................................................

ദാ..അടുത്ത പിക്ക് അപ്പ്‌ എത്തിയല്ലോ ..,  അല്ല! ഇപ്പൊ കേറിയ ആ കുട്ടി എന്തിനാ എന്റെ അടുത്തേക്ക് വരുനത്‌ ...ഇങ്ങോട്ട് നോക്കി തന്യാ വരുനത്‌ .. സത്യമായും ഞാന്‍ ഒന്നും ചെയ്തിട്ടില്ല ...ഞാന്‍ ആ ടായിപ്പോന്നും അല്ലെ ..അല്ല .. "ഈശ്വരാ ..പ്രശ്നാവോ ..?" .. ഇനി പണ്ടെങ്ങാനും അറിയാതെ ....വല്ലതും ....!

"സീറ്റ് നമ്പര്‍ 12 ഇതല്ലേ..?" 



"ഓ ..! സീറ്റ് !!! അത് ശരി..!.. ഹാവൂ ..! വേറെ പ്രശ്നം ഒന്നുല്ല ..ഞാന്‍ വിചാരിച്ചു ..ഛെ ! " അതെ .. അ ..തെ .......... സീറ്റ് ഇത്തന്നെ ...." ഇനി ഇപ്പൊ 12 അല്ലെങ്കില്‍ തന്നെ 12 ആക്കാവുന്നതേ ഉള്ളൂ ..

ബസ്സ് എടുക്കാന്‍ തുടങ്ങി ... പഠിച്ചതൊന്നും ശരിക്കൊര്‍മ വരുനില്ലല്ലോ ...." ഈശ്വരാ ...........!"

സമയം ഏറെ രാവായി ..ചാറ്റല്‍ മഴ പൊടിയുന്നുണ്ട് . . എതിരെ വരുന്ന വാഹനഗളുടെ ഹെഡ് ലിയിറ്റ് ഇടയ്ക്കു മഴയിലൂടെ പതുക്കെ അകത്തേക്ക് എത്തി നോക്കും .. പിന്നെ വീണ്ടും അരണ്ട വെളിച്ചം മാത്രം ..; ഒരു ഗ്ലിമ്സു ! അത് മതി ..! മനസ്സില്‍ ഇപ്പോള്‍ പഠിച്ചതൊന്നും വരുണില്ലല്ലോ    ..ആകെ  ഓര്മ കിട്ടുനത് ചങ്ങമ്പുഴ  കവിത മാത്രം !
..ഞാന്‍ എതിരെ പോയ ആ ലോറിയാ  നോക്കുന്നതെന്നേ ..അല്ലാതെ പിന്നെ ആ കുട്ടിയെ ഒന്നും അല്ല !അതൊക്കെ  ആള്‍ക്കാര്‍ക്ക്  വെറുതെ തോന്നുന്നതാ !!..!  ലോറിക്കൊക്കെ എന്താ ഒരു ഭംഗി ...ആയ്..!

കഷ്ടം !വെറും ആര് മണിക്കൂര്‍ കഴിഞ്ഞാല്‍ ബാംഗ്ലൂര്‍ എത്തും... ! ഡ്രൈവര്‍ ആണെങ്ങില്‍ കത്തിച്ചാ വിടുന്നെ..ഈ ചങ്ങാതിക്ക് ഒന്ന് പതുക്കെ വിട്ടൂടെ ...ഈ വണ്ടി ഒന്ന് പഞ്ഞരായെങ്കില്‍ ..!!!" എന്റെ ഈശ്വരാ."....."പ്ലീസ് ഒന്ന് വിളി കേക്കൂ ....." . ഇനി  ഏറെ വൈകി എത്തിയാലും  കുഴപ്പമില്ല ,പരീക്ഷ അടുത്ത തവണേം എഴുതാല്ലോ ......!

അമ്മേ, സോറി ട്ടാ ! ഈ ഒരു തവണ കൂടി ! എന്റെ ഈശ്വരാ ..ഒരു ട്രാഫിക് ജാം എവിട്യെങ്ങിലും ഒന്ന് റെഡിയാക്കി വക്കണേ പ്ലീസ് ...! അങ്ങേനെകിലും സൊള്ളാന്‍ ഒരു ചാന്‍സ്  തടയോല്ലോ ..!
എന്റെ ഈശ്വരാ ..!!
.
.
 

Monday, July 16, 2012




 
റോഡരികിലുള്ള      പഴയ പൂന്തോട്ടത്തിലെ  ഒറ്റയടി  നടപ്പാതയുടെ എന്തോ വശത്തായിരുന്നു അവള്ജനിച്ചത്‌ . അവള്ഒരു പൂവായിരുന്നു !

ഇപ്പോഴും അവള്ക്കൊര്മയുണ്ട് , വിത്തില്നിന്നും  വിരിഞ്ഞ ശേഷമുള്ള തന്റെ നിഷകളങ്കമായ ബാല്യവും കൌമാരവും ,പിച്ച വച്ച നിര്മലമായ ഭൂമിയുംമേലെ വിടര്ന്ന നീല നിറമുള്ള ആകാശവും ..!

ഇളം  കാറ്റിനൊപ്പം ചുവടുകള്വച്ചും മഴത്തുള്ളികൊപ്പം നനഞ്ഞു കുളിച്ചും  അവള്തന്റെ യൌവ്വനത്തിലേക്ക് കാലെടുത്തു വച്ചു ..!

ഏറെ സന്തോഷമായിരുന്നു അവള്ക്കു അപ്പോള്‍ .. യൌവ്വനത്തിന്റെ വസന്തംഅതൊരു ഉത്സവകാലം തന്നെ   .. ! ആകാശത്ത്  മഴവില്ലുകള്‍  വിരിയുന്ന സമയം .. പൊന്‍  വെയിലോളിയില്‍  നിറമുള്ള ശലഭങ്ങള്പറന്നെത്തുന്ന സമയം .. ഭ്രമര ഗീതികള്തീര്ക്കുന്ന സംഗീതം.!

ചുറ്റുമുള്ള  പൂക്കളില്‍    വിരുന്നു വരുന്ന ശലഭങ്ങളെ അവള്തെല്ലൊരു കൌതുകത്തോടെ നോക്കിയിരുന്നു .. പക്ഷെ എന്ത് കൊണ്ടോ ശലഭങ്ങള്അവളെ തേടി എത്തിയില്ല. വണ്ടുകള്അവള്ക്കായി സംഗീതം ചൊരിഞ്ഞില്ല .
പക്ഷെ അവള്ക്കു പ്രതീക്ഷയുണ്ടായിരുന്നു .. എന്നെങ്കിലും ഒരിക്കല്നിറമുള്ള ചിറകുകള്വിടര്ത്തി ശലഭങ്ങള്അവളെ തേടി വരാതിരിക്കില്ല എന്ന് .തന്റെ സുഗന്ധവും മധുവും എന്നോ വന്നു ചേരാന്‍  പോകുന്ന  അവനു വേണ്ടി മാത്രമായ് അവള്കരുതി വച്ചു. തന്റെ സ്നേഹത്തിന്റെ പൂമ്പൊടിക്ക്  മറ്റേതു പൂക്കലെക്കാളും സുഗന്ധം   ഉണ്ടെന്നു അവള്ക്കു അറിയാമായിരുന്നു .  

കാലങ്ങള്കടന്നു പോയി. ഋതുക്കള്മാറുകയും വസന്തങ്ങള്ആവര്ത്തിക്കുകയും ചെയ്തു .ചക്രവാളങ്ങള്ത്രിസന്ധ്യയില്‍  ചുകക്കുകയും  വൈകുന്നേരങ്ങളില്രാഗ മേഘങ്ങള്ഭൂമിലേക്ക്  ഇറങ്ങി വന്നു അവളുടെ കവിളുകളില്കുംകുമം പൂശുകയും  ചെയുതു .എന്നിട്ടും  ശലഭങ്ങള്എന്ത് കൊണ്ടോ വഴി വന്നില്ല !
 
അവരെ അന്വേഷിച്ചു പോകാന്അവള്ക്കാകില്ലല്ലോ ..!

അങ്ങനെ ഇരിക്കെ കൂട്ടം തെറ്റിയെത്തിയ ഒരു ശലഭം , ദിശയില്ലാതെ അതിന്റെ പ്രയാണത്തിനിടെ  എപ്പോഴോ  വഴി വന്നു .
ഒരു വേള അവള്ആശ്വസിച്ചു . ഉദ്യാനപാലകനായ  ഈശ്വരന്തനിക്കു വേണ്ടി കൊണ്ട് വന്നതാവും അതിനെ എന്ന്   സ്വയം പറഞ്ഞു .. ഭാവ പൊരുത്തങ്ങള്‍  കാര്യമായെടുക്കാതെ  അവള്അവനെ സ്വീകരിച്ചു  . ഒരു വേള   എല്ലാം ശുഭമായി എന്ന്   തോന്നിയ  നിമിഷം !

ഏറെ കഴിയാതെ  തന്റെ തണ്ടിന്അക കാമ്പില്നിന്നും ഒരു കൊച്ചു മൊട്ടു വിരിയുന്നത് അവള്അറിഞ്ഞു ..പ്രകൃതി  കനിഞ്ഞു നല്കിയ വരത്തില്അവള്ഹര് പുളകിതയായി .തന്റെ ജീവിതം സാര്ധകമായി എന്ന് തോന്നിയ നിമിഷങ്ങള്‍ ..തന്റെ  ആത്മ നിര്വൃതി ശലഭത്തെ അറിയിക്കാന്അവള്മിഴികള്തുറന്നു ..പക്ഷെ !
 
ദിശയില്ലാതെ വന്ന  ശലഭം എങ്ങോ പറന്നു പോയിരുന്നു ..!!

അധികം വൈകാതെ ഇളം പൂമൊട്ടിന്റെ ആദ്യ ഇതളുകള്വിരിഞ്ഞു . അവന്റെ ചിരിയില്അവള്എല്ലാം  മറന്നു . പുതിയ ഒരു ലോകം തനിക്കു ചുറ്റും തീരത്തായി അവള്അറിഞ്ഞു ..രാവും  പകലും  മൊട്ടിനെ മാറോടണച്ചു   അവള്അവനെ വെയിലില്നിന്നും മഴയില്നിന്നും കാത്തു .


എങ്കിലും കാണപ്പുറത്തു മറഞ്ഞ ശലഭം തന്റെ ജീവസ്പന്ദനത്തെ തേടി വരുന്നില്ല എന്നതില്‍  അവള്ഖിന്നയയിരുന്നു .ഒറ്റപ്പെടലിന്റെയും മോഹഭംഗതിന്റെയും  മൂര്ധന്യത്തില്‍  തനിക്കു ചുറ്റും മണ്ണ്  ഊര്ന്നു പോകുന്നുവോ, തന്റെ കാല്ഇടറുന്നുവോ എന്ന് അവള്ഭയന്നു.

ആയിടെ , വഴി വന്ന പുതു ശലഭം ആദ്യാനുഭവത്തിന്റെ കൌതുകം പൂണ്ടു  ഒരു സാന്ത്വനമായി  അവളുടെ ചാരത്തു  വന്നണഞ്ഞു .. തിരസ്കാരത്തിന്റെ ഇരുളുകളില്‍   നിന്നും  സ്വീകാര്യതയുടെ വെളിച്ചം അവള്ക്കു ആത്മവിശാസമെകി .അതെ ! തന്നില്‍  ഇപ്പോഴും സുഗന്ധം ഉണ്ട് എന്ന് അവള്തിരിച്ചറിഞ്ഞു    ..അത് ശലഭങ്ങളെ ആകര്ഷിക്കുന്നതായി അവള്‍  അറിഞ്ഞു  ... ആഹ്ലാദകരമായ ഒരു തിരിച്ചറിവായിരുന്നു അത് ..പ്രതീക്ഷകള്ക്ക് ചിറകുകള്വീണ്ടും വിരിഞ്ഞു വന്നു ...എല്ലാം അവസാനിച്ചിട്ടില്ല ..ഒരു വേള ....!

പക്ഷെ ശലഭങ്ങള്‍! - അവ പൂവുകളില്നിന്നും പൂവുകളിലേക്ക്  പറക്കാന്കൊതിക്കുന്നവയകുന്നു . ഹ്രസ്വമായ നൈമിഷികമായ പരിലാളനങ്ങള്‍ ,കൌതുക ക്കാഴ്ചകള്‍ ,ആദ്യാനുഭൂതികള്കഴിയുമ്പോള്പഴമയില്നിന്നും പുതിയ  ഗന്ധം തേടി അവ പോകുന്നു -അതത്രേ അവയുടെ രീതി ..പ്രകൃതി രീതികളെ ആര്ക്കു തടുക്കാന്പറ്റും ..!.എങ്കിലും ഓര്മ്മകള്ബാക്കി നിക്കുമല്ലോ .അത്രയും നന്ന് ...! ശലഭാങ്ങള്ക്കൊപ്പം പറക്കാന്പക്ഷെ ,അവള്ക്കാകില്ലല്ലോ ..അവളുടെ വേരുകള്വളര്ന്ന മണ്ണില്ആഴത്തില്പടര്ന്നിരുന്നു ...അവയിലൂടെ  അല്ലെ അവള്തന്റെ പ്രിയ  മൊട്ടിനെ ഊട്ടിയിരുന്നത് ..! ഇല്ല ! വേരുകളെ വലിച്ചെറിഞ്ഞു  പറക്കാന്വയ്യ !ഒരിക്കലുമാകില്ല ! എന്റെ മൊട്ടു  കരിഞ്ഞു പോകില്ലേ...! അപ്പോള്വന്ന ഇളംകാറ്റില്‍   അവള്‍  മൊട്ടിനെ ആവോളം  മാറോടണച്ചു 


ഒരിക്കല്മഴവില്ലുകള്സ്വപ്നം കണ്ടിരുന്ന അവള്വളപ്പൊട്ടുകള്തരുന്ന വര് രാജിയില്സംതൃപ്തി കണ്ടെത്തി .. തനിക്കിത് മതി ..എന്ന് അവള്‍  സ്വയം പറഞ്ഞു .! കൂടാതെ  ഓരോ  ദിവസവും ഇതള്വിരിയുന്ന മൊട്ടുകള്‍  ഒരു പുതിയ ലോകം തനിക്കു തരുമ്പോള്‍  മറ്റെന്തു വേണം ..!

 
വിണ്ണിലും മണ്ണിലും പൂക്കളെ പരിപാലിക്കുന്ന ഉദ്യാനപാലകന്ആതമഗതം ചെയ്തു - 'എന്റെ കുട്ടിക്ക് ശലഭങ്ങളുടെ മനശ്ശാസ്ത്രം  അറിയാതെ പോയല്ലോ ..! അതോ ശലഭങ്ങള്അവളുടെ മനസ്സ് കാണാതെ പോയതോ .....! '  .അയാള്വീണ്ടും തന്റെ ജോലിയില്മുഴുകി .!
 

Tuesday, July 10, 2012

ദൈവ കണം ! ( ഹിഗ്സ് ബോസോണ്‍ )

As Higgs Boson was empirically determined at the CERN laboratories there was a big Hue and Cry in the world about the same. Well my response is rather a witty -funny - non serious, yet a bit of a scientific  narration too and hence NO poetic evaluation is to be done by readers/critics  :)))




ദൈവ കണം ! ( ഹിഗ്സ് ബോസോണ്‍ ) 
===============================

ഇവനത്രേ കാണുവാനില്ലയെന്നു ,ഇത്ര നാള്‍
സ്ഥലം സ്റ്റേഷനില്‍ , പരാതിപ്പെടപ്പെട്ടവന്‍ .

നാളേറെയായി ചൂട്ടുമായി ,ജനം
തേടിയലഞ്ഞത്‌ ,ഇന്നത്‌ സാര്ഥകം !

കേള്‍ക്കുവോളം  ഏറെ ദാനശീലന്‍ ഇവന്‍ ,
പെരെഴും ശിബിയെ കടത്തി വെട്ടിടും

ഏകിടും പിണ്ടമാര്‍ക്കും , കെറുവാതെ
ആരാകിലും ,ഏറെ തൃപ്തിയാവോളം

ചേലെഴും 
കൂവള മിഴിയാള്‍പെണ്‍ കൊടിക്കും ,
കൂടെ മീശ പിരിക്കും
പുലിയാം  ഗഡിക്കും

അന്തമില്ലത്തോരീ  അണ്ടകടാഹത്തിനും ,
അന്തിച്ചു നില്‍ക്കുമെന്‍ തോഴന്‍  അന്തപ്പനും ..

മുറ്റത്തെ നല്ലിളം  ചെറു വാഴപ്പിണ്ടിക്കും, പിന്നെ -
ദൂരെയായ് കാണുമാ  ചില്ലി തെങ്ങിന്റെ  മണ്ടക്കും

പിണ്ഡം ചമയ്ക്കുമിവനത്രേ ,
പാരിന്‍  ,
വാസ്തുശില്‍പ്പിയെന്നത്രേ ചൊല്ലുന്നിതു ജനം !

- വാസു മാഷ്   :)


By the way : What is a Higgs Boson ..? The so called God's particle! ..?

Well ! , it is a sub atomic particle proposed in the standard model in particle physics which  is supposed  provide "mass" to every bit of matter .. ie the it defines very essence of the term 'mass ' that gives shape and existence to everything materially we can think of . For example all atoms are nothing but a concentration of mass units. AN d of course we all are made of atoms and molecules as we know.

Plan to write a few pages on simplified modern physics in Malayalam on these pages , with some wild thought extensions copyrighted by Vasu mash !! Physics, like any anything else in the world, is just so cute !! :)

Friday, June 15, 2012

ആപ്പിള്‍ ചെടിയുടെ മേലെ നിന്നും..........!


വാസു മാഷുടെ  ചെറുപ്പത്തില്‍  അമ്മ ശാസ്ത്ര  സാഹിത്യ  പരിഷത്തിന്റെ യുരീക്കയില്‍ നിന്നും വായിച്ചു എന്നെ ചൊല്ലി പഠിപ്പിച്ച ഒരു  കവിത /പാട്ട് ആണ് ഇത് . ഞാന്‍ ഇത്  പഠിക്കുന്നത് അഞ്ചു വയസ്സുള്ളപ്പോള്‍ ആണ് . എല്ലാ വരികളും പെട്ടെന്ന് തന്നെ ഹൃദിസ്ഥം ആയിരുന്നു  .. ഈ കവിത സ്കൂളില്‍  ഒന്നും രണ്ടും ക്ലാസ്സുകളില്‍ ടീച്ചര്‍മാര്‍ എന്നെ ക്കൊണ്ട് പാടിക്കുമായിരുന്നു ..


അത്  പുതിയ തലമുറയിലെ കുട്ടികള്‍ക്കും , അവരുടെ മാതാപിതാക്കള്‍ക്കും ആയി ഞാന്‍ ഇവിടെ പകര്‍ത്തുന്നു ( വരികള്‍ ഇന്നും മനസ്സില്‍ നിന്ന് മായുന്നില്ല :-)



ആപ്പിള്‍  ചെടിയുടെ മേലെ നിന്നും കായ നിലത്തു പതിക്കെ -
പണ്ടൊരു പയ്യന്‍ ചിന്തിച്ചെന്തിനു നിലം പതിച്ചു ആപ്പിള്‍ .
 
നിലത്തു വീണത്‌ മാതിരി എന്തെ പോയീടാഞ്ഞത് വാനില്‍ ?
അവന്റെ ചിന്തകള്‍ അതിന്റെയുത്തരമാന്വേഷിച്ചു  നടന്നു . 
 
ഒത്തിരി നാള് കഴിഞ്ഞപ്പോള്‍ അവനുത്തരമൊന്നു  ലഭിച്ചു -
ശാസ്ത്രത്തിന്റെ വഴിത്താരകളില്‍ പുതിയ വെളിച്ചമുണര്‍ന്നു .
 
ഏതൊരു  വസ്തുവിനെയും സ്വയമേ  ആകര്‍ഷിപ്പതിനായി 
ഭൂമിക്കുള്ളോരു  ശക്തി വിശേഷം കണ്ടു പിടിച്ചു  പയ്യന്‍ 
 
അന്നത്തെ ചെറു പയ്യന്‍ വലിയൊരു  ശാസ്ത്രമാഹാരഥനായി
അവാണല്ലോ ചങ്ങാതികളെ , പെരെഴും ഐസക്  ന്യൂട്ടന്‍ .


ഈയടുത്ത് നാട്ടില്‍ പോയപ്പോള്‍ , അമ്മ തന്റെ പേരക്കുട്ടിയെ ( ചേട്ടന്റെ മകളെ ) ഇതേ പാട്ട് അതെ ഈണത്തില്‍ ചൊല്ലി ഓര്‍മയില്‍ നിന്നും  പഠിപ്പിക്കുന്നതാണ്  കണ്ടത് .അമ്മയും ഈ പാട്ട് ഇപ്പോഴും മറന്നിട്ടില്ല  .എന്നതില്‍ അത്ഭുതം തോന്നി .കുട്ടികള്‍ക്ക് പാടാനുള്ള   ഈണത്തില്‍ ആണ് ഈ പാട്ട്. ( സത്യത്തില്‍  , ഐസക് ന്യൂട്ടന്റെ ആപ്പിള്‍ കഥ ഒരു കെട്ടുകഥയാണ് , ന്യൂട്ടന്‍ പയ്യന്‍ ആയിരുന്നില്ല എന്നൊക്കെ നമുക്ക് വിടാം :-) ഏതൊരു കുട്ടിക്കും ശാസ്ത്ര ബോധം ഉണ്ടാക്ക്നും , തനിക്കും ഒരു നാള്‍ ന്യൂട്ടനെ പോലെ ഒരു ശാസ്ത്രഞ്ജന്‍ ആകാം എന്നും ഉള്ള  പ്രേരണ ഉളവാക്കാനും ഈ പാട്ടിനു കഴിയും എന്നാ കാര്യത്തില്‍ തര്‍ക്കമില്ല ). അവര്‍ രണ്ടു പേരും  അറിയാതെ  എന്റെ  പഴയ മൊബയില്‍ ക്യാമറയില്‍ അത്  ഞാന്‍ പകര്‍ത്തി .( വീടിനകത്ത്  അരണ്ട വെളിച്ചത്തില്‍ എടുത്തത്‌ കൊണ്ട്  വ്യക്തത കുറവാണ്  ക്ഷമിക്കുക .. )





Saturday, March 10, 2012

ഒരു ആകാശ പ്രണയത്തിന്റെ കഥ !




പ്രിയമുള്ളവരെ , ഈ കഥാപ്രസംഗം ഇവിടെ അവതരിപ്പിക്കുമ്പോള്‍ , കഴിഞ്ഞ രണ്ടാഴ്ചയായി കളിച്ചു വന്നിരുന്ന ഒരു സിനിമയുടെ ക്ലൈമാക്സ് ലേക്ക് സംഭവങ്ങള്‍ എത്തി നില്‍ക്കുകയാണ് ..

"അതാ അങ്ങോട്ട്‌ നോക്കൂ..." , കഥയില്‍ ഇത് വരെ ഹീറോ ആയി തിളങ്ങി നിന്നിരുന്ന സൂപ്പര്‍ താരം ചന്ദ്രേട്ടന്‍ , പൂര്‍ണചന്ദ്രോദയത്തിനു ശേഷം കിഴക്കന്‍ ചക്രവാളത്തിനു താഴേക്ക്‌ മെല്ലെ പോയി
മറയുന്നതാണ് കഴിഞ്ഞ ദിവസങ്ങളില്‍ നമ്മള്‍ കണ്ടത് .. ചന്ദ്രേട്ടന്‍ തന്നെ കയ്യൊഴിഞ്ഞു എന്നാ ദുഃഖത്തില്‍ ആയിരുന്നത്രെ വീനസ് .. തന്റെ അനുപമമായ സൌന്ദര്യം ചന്ദ്രേട്ടനെ ആകര്‍ഷിക്കാന്‍ പോരാതെ വരുന്നല്ലോ എന്ന വിഷമത്തില്‍ കഴിയുകയായിരുന്നു പുള്ളിക്കാരി ..ഞാന്‍ എന്ത് തെറ്റാണ് അങ്ങയോടു ചെയ്തത് എന്ന് അവള്‍ വിതുംബിക്കൊണ്ടിരുന്നു .. (ബാക്ക് ഗ്രൌണ്ട് മുസിക്) .

"കണ്ണ് തുറക്കാത്ത ദൈവങ്ങളെ...
കരയാനറിയാത്ത ..ചിരിക്കാനറിയാത്ത ...
കളിമണ്‍ പ്രതിമകളെ...
മറക്കൂ നിങ്ങളീ ദേവ ദാസിയെ..
മറക്കൂ ..മറക്കൂ.."


ഇതിനടയില്‍ ഭൂമിയില്‍ പെണ്ണുങ്ങള്‍ വനിതാ ദിവസം ആഖോഷിക്കുകയും ഡോഗ്
ഷോ നടത്തുകയും ചെയ്തു ..! അങ്ങനെ ഇരിക്കെ,അങ്ങനെ ഇരിക്കെ ചന്ദ്രേട്ടന്‍ പോയ്‌ മറഞ്ഞ തക്കത്തില്‍ ഒരു ചങ്ങാതി പതുക്കെ പടിഞ്ഞാറോട്ട് നീങ്ങി വീനസിന്റെ അടുത്ത് വരുന്നതായാണ് തിരക്കഥ ഇപ്പോള്‍ ഡെവലപ് ചെയ്യുന്നത് .. അതാരാണ് എന്നറിയുമോ ..? നമ്മുടെ വ്യഴേട്ടന്‍ ..!! ( ബാക്ക് ഗ്രൌണ്ട് മുസിക് )

"സന്യാസിനീ നിന്‍ ..പുണ്യാശ്രമത്തില്‍
ഞാന്‍ സന്ധ്യാ പുഷ്പവുമായ് വന്നൂ ..

ആരും തുറക്കാത്ത പൂമുഖ വാതിലില്‍..
അന്യനെ പോലെ ഞാന്‍ നിന്നൂ..."


എന്നാ ഗാനവുമായാണ് ഇഷ്ടന്‍ പതിയെ പതിയെ സന്ധ്യാ സമയത്ത് തന്നെ വീനസിന്റെ അടുത്തേക്ക് വരുന്നത് .. വീനസ് ആണെങ്കില്‍ ചന്ദ്രേട്ടനെ വിട്ടു പിരിഞ്ഞ ദുഃഖം മാറാന്‍ എവിടെ എങ്കിലും ഒന്ന് തല ചായ്ക്കണം എന്നാ അവസ്ഥയിലും ..ആണ് .. താനിനി സന്യാസിനിയായി ക്കഴിയാം എന്നാ വാശിയില്‍ അവള്‍ ആകാശത്ത് ഒരാശ്രമം ഒക്കെ ഒരുക്കി ,അവിടെ നക്ഷത്രങ്ങള്‍ ആകുന്ന മാന്‍ പെടകളോട് ദുഃഖം പങ്കു വച്ച്ഒത്തു കഴിയെ ആണ് , പാട്ടും പാടിക്കൊണ്ട് , വൈകുന്നേരങ്ങളില്‍ നമ്മുടെ വ്യഴെട്ടന്റെ വരവ് ..ഇഷ്ടന്‍ നായാട്ടിനു പോകും വഴി ഒരു കാലിച്ചായ കുടിക്കാന്‍ കയറിയതാണ് എന്ന മട്ടിലാണ് ! ഹ ഹ !.എന്തായാലും .. അവിടെ ഒരു പുതിയ ബന്ധം തുടങ്ങുകയായി ....

പക്ഷെ കിഴക്കന്‍ ചക്രവാളത്തില്‍
ചുവന്നു കലങ്ങിയ കണ്ണുകളുമായി ആരോ ഒരാള്‍ ഇത് കാണുന്നുണ്ട് ... ആരായിരിക്കും അത് ..?? ബാക്കി ഭാഗം ഇടവേളയ്ക്കു ശേഷം ....: മറക്കാതെ കാണുക : ഒരു വീനസ് - ജുപിടര്‍ പ്രണയ കഥ !പ്രദര്‍ശനം അടുത്ത് ഏതാനും ദിവസങ്ങള്‍ മാത്രം !



-----------------------------------------------------------------------------------------------------------
ഇനി അല്പം ശാസ്ത്രം : സുഹൃത്തുക്കളെ ഈ മാര്‍ച്ചില്‍ കാണാവുന്ന ഏറ്റവും സുന്ദരമായ ഒരു കാഴ്ചക്ക് നമ്മള്‍ സാക്ഷ്യം വഹിക്കാന്‍ പോകുകയാണ് ഇന്നും നാളെയും ഒക്കെ ആയിട്ട് ..അതെന്തെന്നു അല്ലെ..? ശുക്രന്‍ ,വ്യാഴം എന്നീ ഗ്രഹങ്ങള്‍ ആകാശത്ത് ഏതാണ്ട് അടുത്തടുത്ത്‌ വരുന്നു എന്നതാണ് അത് . രണ്ടു ഗ്രഹങ്ങളും നല്ല തിളക്കം ഉള്ളവയാണ് , മാത്രവുമല്ല ചന്ദ്രന്‍ വൈകി ഉദിക്കുന്നത് കൊണ്ട് ഒരു എട്ടു മണി - പത്തു മണി സമയത്ത് ആകാശം ഇരുണ്ട നീല നിറമായിരിക്കും..ആ പശ്ചാത്തലത്തില്‍ ഈ രംഗം കാണുന്നത് നയനാനന്ദകരമായ കാഴ്ചയാണ് .. ഇവ അടുക്കുന്നതായി നമുക്ക് തോന്നുന്നതിനുള്ള കാരണം ( യഥാര്‍ത്ഥത്തില്‍ ഇവ അടുക്കുന്നില്ല) , മറിച്ചു , ഭൂമിയുടെ സ്ഥാനം ഇവയെ അപേക്ഷിച്ച് മാറുന്നു എന്നതാണ് കാരണം - നമമള്‍ ഭൂമിയില്‍ നിന്നും നോക്കുമ്പോള്‍ ഇവ അടുക്കുന്നതായി തോന്നും .. ചിത്രങ്ങള്‍ മുന്‍പത്തെ പോസ്റ്റിന്റെ അവസാനം ഇവിടെ . ഭൂമി , ശുക്രന്‍ , വ്യാഴം എന്നിവയുടെ ആപേക്ഷിക ചലനം മൂലം വ്യാഴം ഓരോ ദിവസവും അല്പം പടിഞ്ഞാട്ടു മാറുന്നതായും , ശുക്രന്‍ കിഴക്കോട്ടു മാറുന്നതായും തോന്നും . അതായത് അവ തമ്മില അടുക്കുന്നു എന്ന് .!

വീക്ഷിക്കേണ്ട സമയം : വൈകുന്നേരം - ഏഴു മുപ്പതു മുതല്‍ പത്തു മണി വരെ എപ്പോഴെങ്കിലും - എട്ടു മണി ഏറ്റവും വിശേഷം
ദിശ : പടിഞ്ഞാറന്‍ ആകാശം ,( ചക്രവാളത്തിലും , നമ്മുടെ നേരെ മുകളിനും ഇടയിലായി )
മറ്റു ഗോളങ്ങള്‍ : മുകളില്‍ അല്പം കിഴക്കായി ചൊവ്വ ( ചുവന്ന ഗ്രഹം )


Set your alarms on mobile! Happy sky-watching ! take your kids along with you ! Enjoy and Have a nice time !